الديستي وفرق بوليسية غادي تحمي لبلاد فهاد راس العام.. تعبئة كبيرة لتأمين “نويل”

بحال كل عام كتكون الاحتفالات ديال راس العام “نويل”. هاد العام المديرية العامة للأمن الوطني بغات تحط استراتيجية عمل فالاحتفالات ديال بداية سنة 2019 الأساس ديالها هو الاستباقية والجاهزية، والهدف ديالها استهداف المشتبه فيهم وحماية المراكز والمؤسسات الحساسة ديال لبلاد.
ووفق ما كشفت عنه مصادر أمنية، ل”كود”، فإن المديرية العامة للأمن الوطني رصدات موارد بشرية ولوجستيكية مهمة لتأمين هاد المناسبة السنوية اللي كيجيو ليها سياح ومشاهير من مختلف بلدان العالم. هاد الموارد البشرية التي سخرت حسب مصادر “كود” تنتمي لمختلف الوحدات الأمنية (شرطة قضائية، استعلامات عامة، أمن العمومي، فرق الدراجين، الهيئة الهضرية، وغيرها من الفرق..).
هاد الاستراجيية غادي تركز بالدرجة الأولى على تقوية الأمن بالشارع العام، وشن حملات أمنية بعدد من المدن قبل هاد الاحتفالات، سيما لي فيها ارتفاع فنسبة ديال الجريمة، فضلاَ عن تعزيز السدود القضائية بعناصر بوليسية جديدة، مع تدعيمها بطونوبيلات فيها التنقيط الإلكتروني.
المديرية العامة للأمن الوطني موجدة خطة عمل زوينة لإنجاح هاد الاحتفالات. والأهم ديالها استهداف الأشخاص المبحوث عنهم قبل هاد الاحتفالات مع الاستجابة الفورية لنداءات المواطنين. هاد الخطة غادي تشارك فيها حتى عناصر أمنية من مديرية مراقبة التراب الوطني المعروفة اختصارات ب”الديستي”.