مديرة سبيطار الغساني بفاس قدمات استقالتها

علمت “كود”، أن الدكتورة مارسو زكية، مديرة المستشفى الإقليمي الغساني بفاس، وضعت خلال الساعات الماضية، طلبا للمدير الجهوي لوزارة الصحة، تلتمس منه بإعفاءها من جميع مهامها، دون أن تذكر الأسباب اللي عندها علاقة بهاد الاستقالة المفاجئة.
وحسب مصادر طبية، ل”كود”، المديرية ديال مستشفى الغساني طلبات الاستقالة ديالها بسبب الضغوط التي مورست عليها من بعض الجهات، وأكدت المصادر أن هاد المسؤولة عملت على تطبيق مجانية العلاج وبطبيعة الحال لمن يستحقها.
مصلحة المستعجلات اللي كان فيها مشاكل كثيرة دارت فيها هاد المسؤولة خلية خاصة بالتوجيه لتفادي الاكتظاظ. وحتى المختبر زادت فيها التحاليل بزاف. وفالعهد ديالها جابو (الرنين المغناطيسي المعروف ب”IRM”، الذي يعتبر من بين الأجهزة المتطورة في الكشف الإشعاعي.
وماشي غير هادشي فحتات قسم لجراحة الأطفال اللّي كان مشدود فوجه المرضى منذ سنة 2009. ودبا كيبقا السؤال المطروح علاش قدامت طلب الإعفاء ديالها؟