ميلانيا ترامب في اتصال هاتفي: بابا نويل كايجي من الصحراء ف المغرب – فيديو

البارح ف البيت الابيض ترامب و مراتو ميلانيا دارو واحد التقليد ديال تلقي الاتصالات الهاتفية من طرف الاطفال ف جميع المدن الامريكية باش يهضرو على نويل او سانتا كلوز ف الثقافة الامريكية.
والتقليد ينص على ايهام الاطفال ان سانتا كلوز و مركبته كايراقبوها القوات الجوية الامريكية- نظام نوراد – فين وصلات، وكايبقاو الاطفال يتصلو يسولو فين وصلات باش ف الاخير يقولو ليهم راه دخلات امريكا وصافي بالليل غادي يلقاو الهدايا ف الدار اللي جاب ليهم..
و فلحظة من اللحظات ميلانيا ترامب قالت لطفل على الهاتف: “سانتا راه وصل الصحراء دابا بعيدا.. ف المغرب ”
وهو التصريح اللي تناقلوه الاعلاميين ف تويتر و المواقع الالكترونية.
"First lady Melania Trump joined the president and told a caller Santa was in the Sahara. Several minutes later, she reported that Santa was far away in Morocco but would be at the caller's home on Christmas morning." https://t.co/8cjT83xe6H
— Anthe Rhodes-Liuzzo (@AntheRhodes) December 25, 2018
تصريح ميلانيا ترامب بأن الصحراء تعني المغرب بالضرورة يؤكد انه في الوعي الجمعي ديال الغربيين و الامريكيين بالخصوص فإن كلمة الصحراء كتعني بالضرورة المغرب..كما كايزيد يأكد على الحقيقة التاريخية د ان الصحراء مغربية و ان النزاع عليها مع مايسمى بشعب عربي صحراوي مجرد نزاع مفعتل.