بنكيران لعصيد: انت كذاب وانا كنشد بحالي بحال اليوسفي وما نقولش ليكم شحال

وصف عبد الاله بنكيران رئيس الحكومة السابق احمد عصيد بالكذاب وقال في لقائه اللي كاين دابا فدارو فالرباط “انت كذاب ما ربيتيهمش تربية حسنة لانك لم تكن صادقا” هاد الشي حقاش عصيد قال باللي بنكيران كيشد 13 مليون. بنكيران تحداه “جيب لي ولادك وجي عندي للدار ونوريك الرسالة اللي جاتني من الديوان الملكي”
بنكيران اضاف “اتحداك. اللي كيكذب يستحيل يربي ولادو تربية حسنة” واضاف “اليوم غادي تكون خجول قدام الناس باش كذبتي وقلتي كنشد 13 مليون”
رئيس الحكومة قال انا ما كنشد لا 13 المليون لا 9 المليون. وما كالش شحال كيشد من غير “كنشد بحالي بحال اليوسفي” ورفض الكشف عن قيمة التقاعد الاستثنائي “هاداك الشي بيني وبين سيدنا”