لم ينفي مصدر مقرب من رئيس الحكومة، سعد الدين العثماني، وجود ترتيبات لتعديل حكومي مرتقب، لكن “دون أن يكشف عن طبيعة هذا التعديل ومن المعني به”. وقال المسؤول الحكومي في اتصال مع “كود” :”كلشي ممكن والى كان تعديل حكومي شنو يوقع وعادي جدا والى كان هاد التعديل غايكون جزئي ولكن حاليا مكاين تا حاجة بالنسبة لما أعلمه”. وتابع ذات المصدر “هادشي ماكايدورش فرئاسة الحكومة عندنا وفعلا كان واحد الوقيت كيدور الموضوع ديال نقاش كتاب الدولة”. وبخصوص تلقي رئاسة الحكومة لإشارات بوجود تعديل حكومي، قال المسؤول الحكومي :”أبدا ليست هناك اشارات”. فالصباح كتبنا ف “كود” بلي كاين تعديل حكومي قريب. وفق مصدر ل"كود" فان رئيس الحكومة براسو على علم بهاد التعديل. غير وقتاش وشكون غادي يشملو التعديل هادي ما عندو عليها خبار. بحالها بحال امور كثيرة كتهم الدولة. مصدر "كود" قال ان رئيس الحكومة براسو قالها لاقرب المقربين منه. وفق مصدر "كود" فان من اللي غادي يشملهم هاد التعديل يقدر يكون وزير الصحة انس الدكالي. هادي غادية تكون ضربة جديدة لحزب التقدم والاشتراكية. بعد الزلزال اللي دا نبيل بنعبد لله والحسين الوردي وتبعاتو ضربة شرفات افيلال غادي يجي الدور على الدكالي. احتمال كبير. طريقة تدبيرو فانفلوانزا الخنازير كانت كارثية. تحرك فالاخير. تحرك حتى ولى البسيكوز فالمجتمع. تحرك متأخر. طبعا رئيسو كان اكثر كارثية فهاد التحرك.
