الدفاع الحسني أول فريق كتصادق عليه الوزارة باش يتحول لشركة وفراقي أخرين مامصوقينش

الدفاع الحسني الجديدة أول فريق مغربي كتصادق عليه وزارة الشباب والرياضة باش رسميا يتحول لشركة رياضية.
الوزارة صادقت على النظام الأساسي للشركة الرياضية للدفاع الحديدي البارح.
وجا هادشي بعدما تدارك هاد الفريق بزاف ديال الملاحظات، لي طلباتها الوزارة منو من قبل، وأصبح الآن بإمكانه تأسيس الشركة ديالو بشكل قانوني ودون مشاكل، في الوقت لي الفراقي أخرين مادارو والو، بل ما مصوقينش.
هاد الفريق كان سباق في الحصول على اعتماد الوزارة بعد المصادقة على نظامه الأساسي.
الجامعة والوزارة في ورطة، بعد تأخر جل الفرق المغربية في عرض نظامها الأساسي من أجل المصادقة عليها من قبل الوزارة.
وهادشي اربك بالأخص رئيس الجامعة فوزي لقجع، لي سبق ليه صرح أن البطولة ما غاديش تنطلق بلا شركات، قبل ما يستسلم لتأخر الأندية أو بالأحرى تماطل مسؤوليها في إخراج هاد المشروع إلى حيز الوجود.