ها اللي مضارب على بلاصة الياس العماري فجهة طنجة تطوان الحسيمة. الاغلبية الحكومية فيدها ايلى بغات. البي جي دي والاحرار عندهم حظوظ كبيرة يربحو جهة اخرى

استقالة رئيس جهة طنجة تطوان الحسيمة الياس العماري البارح السبت خلات التوقعات على شكون مرشح ياخد هاد الجهة. قبل ما نعرفو السيناريوهات اجيو نشوفو تشكيلة اعضاء المجلس.
يتكون مجلس جهة طنجة تطوان الحسيمة من 63 عضوًا، وجاءت تشكيلته الحزبية عقب انتخابات 2015 على الشكل التالي:
– الأصالة والمعاصرة 18
– العدالة والتنمية 16
– التجمع الوطني للأحرار 8
– الاستقلال 7
– الحركة الشعبية 4
– الاتحاد الاشتراكي 4
– التقدم والاشتراكية 4
– الاتحاد الدستوري 2
وباش تكون عندك الأغلبية المطلقة خاصك 32 عضوًا على الأقل، وفي ظل أزمة حزب الپام وانقسامه وتشتت باقي الأحزاب تبقى جميع الاحتمالات واردة لتشكيل الأغلبية المقبلة.
دابا الاغلبية الحكومية عندها الاغلبية. غير حنا فالمغرب كلشي فشي شكل.
فالوقت الحالي من أبرز الوجوه الحاضرة بالجهة والتي قد تكون مطروحة لتعويض إلياس العماري:
– ثلاثة مرشحين عن الأصالة والمعاصرة في ظل انقسام الحزب: أحمدا التوهامي رئيس اللجنة التحضيرية لتيار بنشماس، الدكتور محمد بودرا رئيس بلدية الحسيمة، ثم محمد الميموني رئيس لجنة العدل والتشريع بالبرلمان. هادو خاصهم دعم الاغلبية الحالية لمجلس الجهة. الياس كانو كيخافو منو وهادو موحالش يتسوقو ليهم.
البي جي دي عندهم اللي كان ترشح ضد الياس العماري سعيد خيرون. عندهم 16 صوت وناقصاهم 16 صوت. ايلى الاحرار والاتحاد الدستوري والتقدم والاشتراكية دعموهم ما غادي يولي عندهم 34 وصت. ما غادينش يحتاجو كاع للحركة الشعبية وللاتحاد الاشتراكي اللي معاهم فالحكومة. غير هو البي جي دي صعيب عليه ياخد جهة ثالثة. خاصة جهة طنجة. حتى هو فاهم هاد الشي.
اللي مرشح ولكن اسمو ما معاونوش هو محمد بوهريز رئيس الجهة سابقا بين سنتي 2000 و2003 والنائب الثاني لإلياس العماري. سمعتو ماشي حتى لهيه. خاص الاحرار تقدم اسم اخر.
الاستقلال يقدر يربح الجهة ايلى لعب مزيان على تنافس احزاب الاغلبية الحكومية. عندو نور الدين مضيان رئيس الفريق الاستقلالي بمجلس النواب، ومحمد سعود النائب الأول لإلياس العماري. هاد سعود حظوظو قليلة. مسارو ارتبط بالياس العماري وماشي شي قيادي فحزب الميزان.