دراسة: أفلام ديزني كتخرج على البنات وعلى شوفتهم للحب وكدير المشاكل فالعلاقات العاطفية

عالم النفس الأمريكي لانغهام ديمون قال بأن أفلام الرسوم كتخلي بصمة واضحة على نمو الطفل من الناحية العاطفية والمعرفية والاجتماعية، وكيبان هاد الأثر مع التقدم في العمر وظهور ملامح الشخصية ديال الواحد.
وقال ديمون أن نسبة كبيرة من البنات كيتعلقو بشخصيات أفلام ديزني وكيفاش كيوليو يبغيو بطريقة الخيال وهادشي كيأثر عليهم وعلى تفكيرهم بزاف ملي كيكبرو ويفكرو في الزواج، وكيخرج على العلاقات العاطفية.
وحسب ديمون بعض البنات كيبنيو العلاقة العاطفية بناءً على بطلات ديزني والعشق لي كيبان في الأفلام وهذا كيرجع عليهم سلبيا ملي كيتزوجو.
وقال عالم النفس الأمريكي انه كاينين أفلام حديثة في ديزني فيها مشاهد شبه جنسية وهاد الأمر كيغير في سلوكيات الأطفال.