جارتنا الشمالية بحكومة تحالف فيها الاشتراكيون مع اليسار الراديكالي ودعموها الانفصاليون

بعد انتخابات تشريعية تعادت اكثر من مرة حصل اليوم الاشتراكي الاسباني بيدرو سانشيز على اغلبية باش يشكل حكومتو. هاد الشي جا بعد تصويت البرلمان على منح الثقة للاشتراكي سانشيز.
حكومة جات بعد تقريبا عام من الشلل السياسي. هاد الحكومة ما حصلاتش على الاغلبية الجمعة اللي فاتت. دار تصويت جديد ما كانش الاشتراكي محتاج للاغلبية بل لاغلبية نسبية.
سانشيز جاب 167 صوت واعتارض عليه 165. هاد الشي ما جاش الا بدعم اليسار الراديكالي الداعم للبوليساريو وبامتناع 18 نائبا من انفصاليي كاتالونيا والباسك عن التصويت. الامتناع كان بعد مفاوضات طويلة مع الاشتراكيين الاسبان.
هاد الثقة حصل عليها وسط نقاش ساخن بزاف. هجوم كبير تعرض ليه سانشيز من قبل اليمين والوسط واليمين المتطرف فوكس.
يتوقع ان يتم تعيين الحكومة رسميا الاسبوع الجاي. دابا هاد الحكومة غادي يكون فيها 5 من بوديموس فيهم بابلو اگليسياس زعيمهم اللي غادي يكون نائب ثالث رئيس الحكومة مكلف بالقضايا الاجتماعية.