دوك صمد اللي كان واحد من ضحايا الحساب على قضية “حمزة مون بيبي” ودنيا باطمة: عمرني نسامح واللومة حتى على المتتبعين اللي شهروه وخلاو هاد العصابة دمر حياة الناس

عبد الصمد بنعلة المعروف ب”دوك صمد”، حتى هو عطى رأيو فقضية “حمزة مون بيبي” والاتهامات الموجهة دنيا باطمة.
وقال فلايف دارو فحسابو الشخصي على انستگرام، ان منشورات “حمزة مون بيبي” وصلات الناس للانتحار (يمكن في الاشارة لوئام الدحماني)، واضاف ان هادشي مكيتسمح نهائيا.
ومابغاش دوك صمد ينتاقد نيشان باطمة واخا موجهين ليها تهم فالقضية، حيت قال انه ماباغيش يطيح فالانتقاد والقذف بلا حتى دليل.
ودوك صمد لام حتى المتتبعين ديال حسابات”حمزة مون بيبي”، وقال انهم السبب الرئيسي في الشهرة ديالو.
للاشارة “دوك صمد” كان تم تسريب تصاور ديالو لابس حوايج العيالات فماي اللي فات، وكان “حمزة مون بيبي” من بين الحسابات اللي نشرت هاد التصاور وشبعات فيه سبان وقدف.