صفقة القرن للمغاربة. واش تكون عند الدولة الشجاعة؟ امريكا تعتارف بمغربية الصحرا مقابل سفارة لاسرائيل فالرباط وزيارة لنتنياهو وها التفاصيل

اسرائيل دايرة مفاوضات مع الرئيس الامريكي دونالد ترامب على الصحراء الغربية فالجنوب المغربي. تفاصيلها كشفها الموقع الاخباري الامريكي “اكسيوس“. فيها ان واشنطن تعترف بالسيادة المغربية في الصحراء الغربية وأن المغرب يتخذ خطوات لتطبيع العلاقات مع إسرائيل ، وفقًا للمصادر الإسرائيلية والأمريكية لهاد الموقع.
واكد الموقع ان صفقة مثل هذه غادية تخلي الملك محمد السادس يحقق نصرا ديبلوماسيا كبيرا. باه الحسن الثاني ما عمرو قدر يوصل ليه وففنس الوقت يتقوى رئيس الوزراء الاسرائيلي بنيامين نتنياهو ويتم استقبالو فالرباط. استقبال مهم ليه بعد الاعلان عن صفقة القرن حول فلسطين.
وكشف الموقع ان وزير الخارجية والتعاون ناصر بوريطة كان التقى بمنير بن شبات مستشار الامن القومي الاسرائيلي فنيويورك 2018 على هامش الاجتماع السنوي للجمعية العامة للامم المتحدة.
الموقع تحدث ان اكبر معارض لهاد الصفقة كان جون بولطون مستشار الامن القوي السابق٬ وانه قام بقتل الفكرة. الفكرة بانت فزيارة وزير خارجية امريكا بومبيو الاخيرة للمغرب. الرباط ما رداتش وبينات باللي ما تقدرش تستقبل نتنياهو دابا.
دابا اكبر مدافع على الصفقة هو جاريد كوشنير كبير مستشاري ترامب ونسيبو. اللي زار المغرب فماي 2019 وولى مدافع علي هاد التوجه.
الخارجية الامريكية قبل زيارة موبيو للرباط كانت اكدات هاد الشي وعبرات علي كلشي من قبل كبار رجالاتها٬ غير باش الرباط ترددات فاستقبال نتنياهو كلشي تعلق.
اللعب مازال كاين ولكن واش الرباط قادرة تكون عندها الجرأة باش تجيب اعتراف مهم بزاف غادي يكون حاسم فقضية الصحراء؟ نتسناو ونشوفو