اجتماع الوزير واليد اليمنى لزعيم بوديموس مع صحراوية “كوزيرة”. القضية ما سالاتش بتوضيح وزيرة الخارجية. ها اش كتب فتويت وكيفاش سماها “وزيرة” قبل ما يمسح كلشي

لقاء كاتب الدولة الإسباني للحقوق الاجتماعية، ناتشو آلفاريز ب”وزيرة للشؤون الاجتماعي سويلمة بيروك”٬ لان الوزير الاسباني قدمها بهاد الصفة٬ الجمعة اللي فاتت مازال منوضها.
وكالة الانباء الصحراوية ديال البوليساريو نشرات لخبار كنشاط رسمي لما يعتبرونه دولتهم. هادا اول لقاء رسمي بين عضو فالحكومة بمسؤول بالبوليساريو يقدم نفسه كوزير.
البارح بالليل حاولات وزيرة خارجية الصبليون ارانشا گونزاليس فتويت تنقص من ازمة جاية بين الرباط ومدريد. قالت باللي اتصلات بناصر بوريطة وزير خارجية المغرب وان ما نشر من مقالات ما كيعكسش موقف الحكومة الاسبانية من “الصحراء الغربية” وبللي هاد الموقف ما تغيرش مع الحكومة الحالية.
الوزيرة كتقصد بالمقالات وكتقصد تويتات كان نشرهم الوزير الڤاريث٬ اليد اليمنى لاگليسياس زعيم بوديموس ونائب رئيس حكومة اسبانيا الحالي.
اش كتب فهاد التويتات؟ الوزير قال انه استقبل ضيفته سويلمة بيروك ك”وزيرة” ووعدها باستمرار التعاون في ملفات كموضوع “اللاجئين” كما عبر عن “تضامنه مه الشعب الصحراوي”.
هاد التويت مسحو ومسح التصاور كيف ما كشفته “ال كونفيداسيال” ولكن اللي عطى الله عطاه.
دابا بدات معركة اخرى. البعض كيهدر على توظيف المغرب لورقة كاتالونيا. اي علاش ما يستقبلش المغرب منتخبين من حكومة كاتالونيا اللي باغية الاستقلال عن اسبانيا. الرباط كان رفض استقبال اي وفد وعلن عن موقفو الرافض لاستقلال هاد الاقليم باش دارو استفتاء.
هاد الازمة كانت غادية تكون اعمق كون استقبلات وزيرة المساواة والقيادية في بوديموس ايرين مونتيرو٬ لوالد ناصر الدين الزفزافي وامو نهار 4 فبراير اللي فات. كان هاد اللقاء مبرمج من قبل ولكن باش ولات وزيرة استقبلاتها البرلمانية عن نفس الحزب تسيما گييخارو.
لحد الان المغرب مازال ما عبرش على موقفو. مع هاد بوريطة اما يقودها ولا يضرب الطم. ما بقاش صالح لهاد الوزارة وصافي