الاشتراكي الاسباني رشيد فارس ل”كود”: أطالب باستقالة الوزير الفاريث واستقالو لمسؤولة البوليساريو تصرف صبياني وبوديموس مازال كيسحاب ليه راسو فالمعارضة

قال رشيد فارس، الكاتب الإقليمي لفيدرالية تابعة للحزب الاشتراكي العمالي الاسباني بإقليم كاطالونيا ل”كود” ان على كاتب الدولة كاتب الدولة الإسباني للحقوق الاجتماعية، ناتشو الڤاريث ان “يقدم استقالتو” من حكومة الاشتراكي بيدرو شانشيز.
هاد المطالبة جات بعد استقبال هاد الوزير اللي هو اليد اليمني لزعيم بوديموس، الجمعة اللي فاتت بالصحراوية سويلمة بيروك على أساس انها كيف كتب فتويت “وزيرة للشؤون الاجتماعي سويلمة بيروك”
وأكد الاشتراكي فتصريحو ل”كود” ان “حزب بوديموس” خالق مشكل كبير لحكومة الاشتراكيين” لانو “مازال كيعتاقد انو فالمعارضة” وانو “ما تحملش مسؤوليتو بمهنية”
ووصف فارس فتصريحو ل”كود” هاد التصرف ب”الفادح” خاصة أنو هاد لوزير نشر تدوينة فصفحتو
وأعاد الاشتراكي فتصريحو ل”كود” مطالبتو باستقالة هاد المسؤول “ككاتب إقليمي فيدراليا كنطالب هاد الوزير يقدم اعتذارو اولا ولا ما دارهاش يقدم استقالتو”
وأكد المسؤول ل”كود” ان السياسة الخارجية الدولة الإسبانية ماشي للمزايدة و”ماشي حزبية بل مسالة خاصة تهم الملك ورئيس الحكومة”.
واعتبر ان ما قامت به وزيرة الخارجية البارح مزيان لانها تداركت الموقف
وأكد فارس ل”كود” ان اختيار هاد الوزير الوقت والاصطياد فالماء العكر غادي يكونو عندو عواقب على علاقة البلدين
وأكد ل”كود” انه سيخبر الاشتراكيين فموقفه هاد الداعي لاستقالة وزير بوديموس فاجتماع حزبي الخميس المقبل