من بعد شكايات محاربي حرية الفن.. يسار على سيتكوم "سوحليفة": أعداء النجاح

من بعد تقاطر الشكايات ضد سلسلة "سوحليفة" خرج الكوميدي يسار باش يدافع على السيتكوم ديالو، لي كتلعب فيها بنت ختو، الطفلة إسراء البطولة.
يسار نشر على حسابو في انستكَرام بوسط كيدافع فيه على السيتكوم، وقال أنها ناجحة وعندها حساد لأنها كتحقق نسبة مشاهدات مرتفعة.
أيضا، كتب يسار: "النجاح هو الذنب الوحيد الذي لن يغفره الحساد"، خصوصا أن السليلة كتتصدر الطوندونس المغربي من أول حلقة ليها بداية شهر رمضان.
حنا ف"كود" طبعا ضد ان الناس تبغي توقف السيتكوم بدافع ان دور الطفلة اسراء ماشي اخلاقي ومالايقش بطفل و و و…، لان الفن ماعندوش اخلاق، وحدود ومفاهم فردية لهادشي، الفن حر. ولكن هادشي ماكيعنيش ان اي واحد عيب ولا انتاقد عمل فني فراه حاسدو! هذا تكلاخ. السيتكوم مثلا رديئة فنيا، وفيها بزاف ديال الاخطاء في السيناريو، وفي الكاستينگ، والتمثيل ضعيف… ولكن، مرة اخرى، هادشي ماكيعنيش اننا من حقنا نطلبو من الهاكا توقفو، ولا اننا حاسدينهم.
View this post on Instagram
آمين ???????? ممثلة كبييييييييييييييييييييييييييييرة ربنا يحميك❤️ "@israebenkrara
A post shared by yassar lemghari يسار لمغاري (@yassarlemghar) on May 14, 2020 at 1:46pm PDT