انفراد. سفيرة فرانسا فالرباط ل"كود": ها شنو جمعني مع بنموسى وما فهمتش هاد الضجة علاش واللقاء هدر فعموميات

في أول خروج لها بعد الضجة لكبيرة التي خلفها تويت نشراتو على حسابها ف"تويتر"، قالت السفيرة الفرنسية بالرباط، ايلين لوگال، أن اللقاء اللّي كان عندها مع شكيب بنموسى، رئيس اللجنة الخاصة بالنموذج التنموي الجديد، كان لقاء عادي.
وأوضحت السفيرة الفرنسية، في تصريح خصت به "كود"، قائلة: "سي بنموسى كانت عندو لقاءات أخرى ومناقشات أخرى مع سفراء قبل مني، وهاد الضجة بزاف على حاجة عادية دارها السفير".
ايلين دو گال قالت ل"كود" "كنظن أن هاد الضجة كبيرة على حاجة عادية دارها السفير وتدخل في إطار مهامو، واللّي هو حوار مع بعض المسؤولين المغاربة. وشكيب بنموسى بالاضافة الى رئيس اللجنة الخاصة بالمشروع التنموي هو زميل ديالي" اي انو سفير للرباط بباريس.
وبخصوص سؤال "كود" واش بصّح قدم ليها بنموسى شي عرض على النموذج التنموي الجديد، أكدت السفيرة هيلين لوكال، فتصريحها ل"كود": "كان عندنا لقاء بدون شكليات وهضرنا بصفة عامة حول مواضيع تهم المصالح المشتركة بين فرنسا والمغرب".
هاد التصريح كيتناقض مع تدوينتها لللي نشراتها. المشكلة لالة السفيرة ماشي اللقاء مع رئيس اللجنة الخاصة بالنموذج التنموي الجديد، ولكن باش كتبتي انو قدم ليك تقرير على مرحلة عمل اللجنة.