جنرال في الجيش الاسباني: ها علاش ممكن تنوض حرب بين المغرب واسبانيا فالمستقبل وجيش المغرب كيطور راسو بسرعة

الجنرال فالجيش الاسباني خيسوس ارحوموسا بيلا، كتب واحد التحليل حول المغرب واسبانيا ونشرو فالموقع المتخصص فجيوش الدول"infodefensa".
المقال الي بعنوان "نزاع مسلح محتمل مع المغرب"، واللي طرحو على شكل تساؤل، كيهضر على الاسلاب اللي ممكن تخلي المغرب واسبانيا يدخلو فحرب حقيقية، وكيأكدان هاد الحرب مايمكنش تكون لا فالمدى القصير او المتوسط.
الجنرال اللي كيسير مدرسة حربية تابعة للجيش، قال أن من اهم الاسباب اللي ممكن تشعلها، هي الثغور والجزر اللي كتحتلها اسبانيا، وهي سبتة ومليلية والجزر الواقعة قبالة سواحل الشمال بينها الجزر الجعفرية قبالة رأس الماء بالناظور، وجزيرة النكور فالحسيمة، وجزيرة ليلى فبليونش.
مؤكدا أن المغرب يقدر مستقبلا يطمع ويهجم باش يستعمر هاد المناطق، وهادشي غايخلي الطرفين يدخلو فحرب.
وزاد بأنه بغض النظر عن التعاون فمجالي الهجرة والارهاب، فإن مشكل المياه الاقليمية أو ابصحراء، مايمكنش يوصلو الدولتين للحرب، لأن هاد المشكلين غايتحلو عن طريق القانون الدولي.
الجنرال هضر على قدرات الجيش المغربي، وقال أنه كيتطور بسرعة، وكينمي قدراته القتالية بشكل اقضل، واللي زوين بالنسبة ليهم أن هاد الجيش فالوقت الحالي متمركز حدا الجزائر وفجهة الصحراء.
اما من ناحية العتاد العسكري فالجيش الاسباني عندو الغلبة حاليا فهاد المجال حسب ذات المحلل العسكري.
وختم الجنرال انه فالحرب راه مكيهمش شحال عندك دالاسلحة، راه كيهم بزاف القدرة القتالية دالعسكر، والقدرة على التكيف مع المتغيرات وبزاف دالامور الاخرى.