الوضعية الوبائية غادة وكتحسن.. اليوم 806 مغربي تصابو بكوررنا وماتو 31 وبراو 988.. و16804 مازالين كيتعالجو

علنات وزارة الصحة، اليوم الأحد، على إصابة 806 واحد فقط بفيروس كورونا المستجد، ووصل عدد المصابين فالمجموع ل459671.
وحسب نشرة كوفيد 19 اليومية، وصل مؤشر الإصابة التراكمي ل1265,2 لكل 100 ألف نسمة، بمعدل 2,2 لكل 100 ألف نسمة فهذ 24 ساعة.
وماتو اليوم 31 واحد، وبلغ الإجمالي 7942، بنسبة فتك ديال 1,7 فالمية.
وتشافاو اليوم 988، ووصل الإجمالي ل434925، بنسبة تعافي 94,6 فالمية.
وتحددو عدد الحالات النشيطة ف16804، وعدد الحالات الحرجة نزلو ل937 حالة، ومعمرين دابا أسرة الإنعاش بنسبة 29,6 فالمية.
ومن الحالات الخطيرة، 37 تدهورات حالتهم غير اليوم، و69 تحت التنفس الاصطناعي الاختراقي.
وتدارت اليوم 16372 تحليلة، ووصلنا فمجموع التحاليل اللي تدارت منهار بان الوباء ل4726070 تحليلة.
وكتتوزع الإصابات والوفيات الجديدة على الجهات والأقاليم كما يلي:
وهذا المنحنى الوبائي اليومي والأسبوعي:
وهذو الوفيات الأسبوعية: