كشفات دراسة للجامعة الوطنية لجمعيات المستهلكين أن 1 من 3 أسر مغربية دايرة كريدي، بمختلف انواعو، سوى ديال الدار او الطموبيل او لشراء الأثاث أو باش الدراري يقراو أو غيرو، وكتكون ملزمة باش تحط فلوسها فلكريدي كل شهر. وقالت الدراسة، حسب المعطيات اللي جابتهم جريدة "المساء، أن 52 فالمية من المغاربة اللي دايرين لكريدي عندهم كريدي واحد، و34,7 عدهم جوج كريديات، ونسبة أقل عندهم 3 كريديات. وكتقول الدراسة، ان السبب اللي كيخلي المغاربة يديرو كريديات هوما التسهيلات اللي كتقوم بيها الشركات ديال لكريدي. وانتقدات الجامعة، فالمقابل، إشهارات القروض الكاذبة اللي كيقدموها شي شركات ديال الكريدي، وطالبات السلطات المعنية باش تحمي المستهلكين من هذشي.