الحمامة خطفات وراق الزيتونة فبركان. باغي يدير ميسا فالاقليم وها شكون جاب

تمكن حزب التجمع الوطني للأحرار، من اختراق حزب جبهة القوى الديمقراطية بإقليم بركان، واستقطاب عدد كبير من المستشاريين الجماعيين بجماعة مداغ، وضمهم للصف نتاعو، باش ارشحهم في الانتخابات الماجيا بلون "الحمامة".
مصادر مطلعة قالت ل"كود"، أن محمد الصديقي الكاتب العام لوزارة الفلاحة والصيد والبحري، والمرشح نتاع "الأحرار" فالانتخابات التشريعية بإقليم بركان، دار البارح لقاء مع الملتحقين الجدد ب "لحمامة" فقاعة للأفراح، وهضر ليهم على برنامج الحزب والأهداف اللي باغي إحققها.
نفس المصادر، كشفات بللي اللقاء توج بتوقيع ميثاق شرف، بالإضافة إلى شرح مدونة أخلاقيات العمل السياسي، وهو اللي اللقاء اللي شجع الملتحقين باش يخوضو غمار الانتخابات بلون التجمع الوطني للأحرار.
حزب الأحرار فالجهة الشرقية، ولا حاط عينيه على جميع المرشحين اللي كيشوفهم كفاءة، حيت عوال يتصدر المشهد السياسي ويجيب هو الأول ويحصل على 9 المقاعد البرلمانية بما فيها لائحة النساء.