خاص. المهمة الاستطلاعية غمضات عينها على أهم الخروقات بمديرية الأدوية والصيدلة منها وثيقة جابتها "گود" تؤكد اعتراف المديرة بأن "السيستيم" المعلوماتي خاسر

تقرير المهمة الاستطلاعية المؤقتة على عمل مديرية الأدوية والصيدلة وعلاقتها بشركات الأدوية، ضعيف بزاف، حسب مختصين وبرلمانيين.
اللي زاد شكك فعمل هاد المهمة الاستطلاعية، هو الكلام اللي جاء فيه فالتقرير حول النظام المعلوماتي اللي كيشمل معطيات حساسة ديال الشركات والرخص ديال التسجيل وكل ما يتعلق بالمستلزمات الطبية. هاد النظام وفق تقرير المهمة الاستطلاعية مابيه والو من غير حاجة ذكرها مافيهش الترتيب وكيخلق مشكل فالشفافية.
وثيقة حصلت عليها "كود" تفيد بلي السيستيم خاسر منذ أكثر من 5 أشهر، والمديرة بشرى مداح اعترف بذلك إلى جانب مسؤولين بوزارة الصحة ونقابيين.
دبا بلاصت يتفتح تحقيق نزيه وشفاف، جات المهمة الاستطلاعية المؤقتة حول عمل مديرية والصيدلة وعلاقاها بشركات الأدوية، دارت تقرير وردي وفيه دفاع غير مفهموم على المديرية، وتجاهلت التحقيقات الصحفية التي أثارت عدد من الاختلالات والشبهات خصوصا هاد البلوكاج فالنظام المعلوماتي اللي فيه معلومات حساسة.

وقال نقابي فضل عدم ذكر اسمه، إنه "بدل فتح تحقيق نزيه وشفاف حول سبب البلوكاج فالسيستيم المعلوماتي الخاص بتدبير الصفقات مع الشركات وتسجيلها والتراخيص والمسلتزمات الطبية، واخفاء الملفات، تحاول المديرية توجيه المعركة إلى الهامش عبر تثبيت كاميرات المراقبة في الأماكن التي يتواجد فيها مناضلي نقابة الاتحاد المغربي للشغل".