ميركاتو انتخابات 2021 ف فاس.. "البيجيدي" ضمس كارطة: ها شكون نازلين ف المقاطعات الست

حزب العدالة والتنمية بفاس ضمس كارطة مع اقتراب الانتخابات المقبلة. البارح الثلاثاء اللجنة الإقليمية اللّي مكلفة بالانتخابات سالات مهامها بخصوص اللوائح المحلية لمرشحي "المصباح" في الاستحقاقات المقبلة.
وقالت مصادر "كود" أن البي جي دي قرر باش يستغني على عبد الواحد بوحرشة من الترشح بمقاطعة زواغة، والتي سيترشح فيها هاد المرة البرلماني السابق حسن بومشيطة ونائب عمدة المدينة. بومشيطة غادي يكون هو وكيل اللائحة فهاد المقاطعة المعروفة بتوسعها العمراني وحروبها السياسية ويقدر يكون دوزيام ديالو هو بوحرشة.
مقاطعة أكدال اللّي كان ترشح فيها عبد الله العبدلاوي هاد المرة، حسب مصادر "كود"، غادي ينزل فيها كوكيل للائحة المحامي الحسين العبادي. أما مقاطعتي المرينيين وفاس المدينة ماطرة فيهوم حتى شي تغيير. إذ سيتم ترشيح نور الدين الشيخ كوكيل للائحة مقاطعة المرينيين وسعيد السرغيني بمقاطعة فاس المدينة العتيقة.
أما مقاطعة سايس فقد تقرر الاستغناء عن النائب الأول للعمدة سعيد بنحميدة، حيث تقرر ترشيح محمد زهير، فيما سيتم الاحتفاظ بإسم محمد خيّي كوكيل للائحة المصباح بمقاطعة جنان الورد.