واش دخل "اوميكرون" للمغرب؟ تحاليل كدار لشي حالة مشكوك فيها ونتائجها مازال ما بانتش

المغرب دار اجراءات صارمة باش يحمي راسو من هاد المتحور الجديد ديال كورونا فيروس واسمو "اوميكرون". من البارح تسدات المطارات والنقطة الحدودية الجنوبية الكركرات. غير هاد الشي ما كيعنيش باللي المغرب ما غاديش يمكن يكون فيها شي حالة.
مصادر ل"كود" قالت باللي كاينة هاد الصباح شكوك فحالة وحدة. دابا مازال ما كاين حتى شي حاجة رسميا. وفق مصادر "كود" كاينة اجتماعات فالرباط على الوباء بشكل عام وهاديك الحالة كيعاودو ليها التحاليل باش يعرفو بالضبط اش واقع.
ماشي مستبعد يكون فالمغرب شي حالات من المتحور اوميكرون. ممكن يكون دخل قبل حتى ما تعيق بيه جنوب افريقيا. راه تم اكتشاف ان هاد المتحور بان فهولندا قبل من جنوب افريقيا٬ غير هادو عاقو بيه ولخراين للا.