بنسلمان فحوارو مع مجلة "ذي اتلانتيك": 10 الالاف ديال الأحاديث النبوية مامتبوتاش وخاص نتخلاو عليها حيت هي سباب الانقسام

مجلة "ذي أتلانتيك" الامريكية، دارت حوار مع ولي العهد السعودي الأمير محمد بنسلمان، دواو فيه على بزاف ديال المواضيع، منها أهمية الحديث المتواثر. هاد النوع من النقاش في الشريعة الإسلامية، ماشي من العوايد أننا نسمعوه من حكام مسلمين.
بنسلمان قال أن الأحاديث غير المتبثة والمنسوبة للنبي محمد، هي المصدر الأساسي للانقسام في العالم الإسلامي، واضاف بلي كاين عشرات الآلاف ديال الأحاديث، والغالبية العظمى منها ما متبوتاش، ودعى للتخلي عنها.
وعطى ولي العهد السعودي مثال بتنظيم القاعدة وداعش، وقال أنهم كيستعملو الأحاديث النبوية الضعيفة بزاف، ولي مامتبوتاش صحتها باش يثبتوا وجهة نظرهم.
وخلال المقابلة دخل بنسلمان في تفاصيل الأحاديث النبوية، وقال أنها محددة في ثلاثة جوانب وفسرها أكثر، وختم الموضوع بالتأكيد أن هادشي لي كي حاولوا تحديدوا ونشروا، باش العالم الإسلامي يعرف طريقة استخدام الحديث، الحاجة لي غادي دير فرق كبير، خاص غير الوقت، ويقدر هادشي يتحقق من دابا عامين.