نايضة عاوتاني ضدو.. "تيك توك" تسبب فالموت ديال 2 بنيتات صغار بشكل مأساوي – فيديوهات وتصاور

كيواجه تطبيق "تيك توك" دعاوي قضائية جديدة، بعدما ماتو 2 بنات صغار بسباب تشالنج خطير وعنيف كيدور فالبلاتفورم، بلا حسيب ولارقيب، حاولو يشاركو فيه.
ونشر جورنال "لوس أنجلوس تايمز" بللي بنت فعمرها 8 سنين وأخرى عمرها 9 سنين ماتو بعدما شافو مقاطع الفيديو اللي كيعرضها التحدي ووصلاتهم بسباب لالكَوريتم ديال "تيك توك"، وحاولو يديرو بحالها.
ورفعات عائلات البنيات دعوى قضائية بشكل مشترك نهار الجمعة فمحكمة مقاطعة لوس أنجلوس العليا.
وحتى المتتبعين فكل مواقع التواصل الاجتماعي كاعيين بزاف وطالع ليهم الدم ومحيحين على هاد الموقع الشينوي، اللي قالو بللي المحتوى ديالو خطير وعامر عنف بلا حتى شي مراقبة وكيستبب ديما فكوارث ومآسي للدراري الصغار خصوصا، ولكل عائلاتهم وحبابهم وصحابهم.
هاد التشالنج اللي تسبب فموت البنات سميتو "تحدي التعتيم" (Blackout challenge)، اللي كان نوض الصداع هادي مدة، واللي "خاص" المشارك فيه يحاول أنه يخنق راسو لأطول مدة بلا مايتنفس!
TikTok SUED by parents of girls aged 8 and 9 'who accidentally hanged themselves after being bombarded with 'Blackout Challenge' clips by app's algorithm' https://t.co/t4e2PTfou8
— Daily Mail Online (@MailOnline) July 4, 2022
وبسباب هاد التشالنج لقاو وحدة من البنات الضحايا وسط الشومبر ديالها معلقة والحبل ضاير على عنقها أما البنت الأخرى لقاوها مشنوقة فالكَراج ديال دارهم.