بوليس فالطاليان جبدو السلاح على كوايري معروف فميلانو وبغاو يشدوه! – تغريدة وفيديوهات

شدو البوليس فالطاليان بالغلط، كوايري مشهور، هو لاعب نادي أس ميلانو (معار من تشيلسي الإنكَليزي) والمنتخب الفرنسي تيموي باكايوكو (Tiémoué Bakayoko)، وهددوه بالسلاح، حيت كيحساب ليهم مجرم كانو كيقلبو عليه.
وبان فمقطع فيديو صادم راج فمواقع التواصل الاجتماعي، بوليسي وهو متكي باكايوكو (27 عام) على طوموبيلا ديال البوليس وكيقلب فيه، و بوليس آخرين هازين الفرادا.
Shocking footage of Milan's Bakayoko in Milan's downtown held at gunpoint by police cause taken for someone else.
Check when one of cop goes telling to the colleague searching him that it's not the suspect but a Milan player, and the cop saying "WHO?!?"
pic.twitter.com/B0PTYiXnc5
— Tancredi Palmeri (@tancredipalmeri) July 18, 2022
وفالوقت اللي كانو كيقلبو فيه، عرفو واحد من البوليس وقال لصاحبو بللي هدا ماشي الشخص اللي كيقلب عليه، واللي شادينو راه لاعب ديال ميلان، عاد طلقوه.
وتشابه باكايوكو للبوليس مع شي مجرم خطير روشيرشي، كيدور فنفس المنطقة اللي شدو فيها اللعاب فاش كان غادي فطوموبيلتو.
وناض الصداع ضد البوليس الطاليان من بعد هادشي اللي وقع مع باكايوكو، وكاين اللي اتاهمهم بالعنصرية.