كيم كاردشيان وكايلي جينر كيروجو لحملة ضد سياسة "أنستكَرام" الجديدة – فيديو

واخا عندهم ملايين المتابعين والمتابعات ف"أنستكَرام"، روجات كيم كاردشيان وختها كايلي جينر لحملة ضد السياسة الجديدة ديال نفس الموقع، واللي كيطالبو فيها باش ما يقلدش بلاتفورم "تيك توك" ومايعتامدش بشكل أساسي على الفيديو.
وطالبات كيم وكايلي من إدارة "أنستكَرام" باش يركزو على التصاور كيف كان قبل، ومايركزوش على الفيديو، وقالو: "خليو أنستكَرام يبقى أنستكَرام، وبلا ماتحاولو ترجعوه بحال تيك توك!".
وشارك بزاف ديال مستخدمي موقع "أنستكَرام" فالعالم كامل فهاد الحملة، اللي كتطالب من إدارتو باش يبقا بلاتفورم خاصة بالتصاور، عوض هاد التوجه الجديد نحو الاعتماد على الفيديو بشكل أساسي.
ولحد الساعة كيتابع كيم كاردشيان 327 مليون شخص على "أنستكَرام،" فالوقت اللي واصل فيه عدد المتابعين ديال كايلي جينر على نفس الموقع 362 مليون فالوورز.