رسميا.. قطر كترحب بالمثليين فمونديال 2022

من بعد الصداع اللي نوض الموضوع فالفترة الأخيرة، قطر خرجات بقرار رسمي قالت فيه أن المثليين غادي تكون عندهم بلاصة فالمونديال اللي غادي تنظمو فشهر 11 اللي جاي.
اللجنة المنظمة لمونديال قطر 2022 قالت أن المثليين عندهم الحق الكامل باش يجيو لقطر يشجعو الفرق ديالهم ويشوفو المبارايات من التيرانات بلا ما يتعرضو لأي تمييز ولا إهانة.
وواخا قطر عندها قانون كيجرم المثلية وإعلانها، إلا أنها تنازلات باش تخلي كاس العالم يدوز بيخير وبلا ما تجبد عليها الصداع، وتنضابط بالتالي لقوانين وسياسة الاتخاد الدولي لكرة القدم "فيفا" اللي صارم فبحال هاد القضايا.
المديرة التنفيذية ديال إدارة الاتصال فاللجنة العليا للمشاريع والإرث لبطولة كاس العالم، فاطمة النعيمي، قالت أن قطر "استضافت تقريبا 600 حدث دولي بلا ما تسجل حتى حادثة تمييز وحدة وهادشي كان من الأسباب اللي عطاها الحق تستضف المونديال"، حسب قول المسؤولة القطرية.