زبايل الخارجية. علاش وزارة بوريطة ذلات راسها ودارت بيان كان خاص ديرو الجزائر على مبعوثهم للرباط

هادي سابقة جديدة دارها ناصر بوريطة وزير الخارجية والتعاون. اعتدنا باش تكون شي قمة عربية الدولة المستضيفة هي اللي كتعلن على اسماء مبعوثيها الى رؤساء الدول باش يستدعيوهم. وباش كيوصلو وكيتم استقبالهم ديك الساعة الوكالة الرسمية لديك الدول ممكن تنشر الخبر.
لكن مع وزارة بوريطة كلشي مقلوب. البارح خرج بيان من هاد الوزارة وتنشر فوكالة المغرب العربي للانباء باللي "في إطار التحضير للقمة العربية المقبلة، المقرر عقدها بالجزائر العاصمة في فاتح نونبر 2022، قررت السلطات الجزائرية إيفاد عدد من المبعوثين إلى العواصم العربية، حاملين دعوات لجميع قادة الدول الأعضاء بجامعة الدول العربية" وباللي "سيتم إيفاد وزير العدل الجزائري إلى المغرب، بعد المملكة العربية السعودية والأردن ، في حين سيسلم وزير الداخلية الدعوة نفسها إلى القمة لتونس وموريتانيا".
وختم البيان باللي وزير العدل غادي يتم استقبالو فالمغرب.
دابا اش لاح الخارجية تنشر هاد التفاصيل. ما شفنا حتى دولة عربية هدرات علي هاد الشي. هادا اختصاص الديبلوماسية الجزائرية. ايلى كانت رسالة المغرب انو غادي يستقبل المبعوث الجزائري٬ كان يكون بيان واضح وقصير فيه "المغرب كما اكد الملك فاكثر من مناسبة يريد صفحة جديدة فعلاقتو مع الجزائر وغادي يستقبل اي مبعوث يرسلو رئيس الدولة الجارة" ويسكت ما يزيد حتى كلمة.
خاد الشي اللي دار تخربيق وذل وصافي. زبلة من زبلات بوريطة