الرجاء ربح الفتح وقفز فترتيب البطولة

نجح الرجاء الرياضي فتحقيق فوز مهم وهو الثاني له فبطولة هاذ الموسم من بعدما ربح اليوم السبت فستاد دونور، الفتح الرياضي فالجولة 7.
فريق الرجاء ربح الفتح بنتيجة 1 لزيرو، وهو البيت اللي ماركاه الكابيتان ديال الفتح المهدي الباسل على مرمى فرقتو فالدقيقة 2، ومن بعدما تماركا الهدف ظن جمهور الفريقين أن الماتش غادي يكون شابع بيوتا لكن على العكس ظلت النتيجة كما هي حتى سالا اللقاء، واللي عرف تضييع فرص كثيرة خصوصا من الرجاء اللي تفننون اللعابا ديالو فإهدار الأهداف قدام مرمى الفتح.
ومن بعد هاذ الرباح رفع الرجاء الرصيد ديالو إلى 9 نقاط وقفز من المرتبة 12 إلى المركز 7، وهذا هو الانتصار الثاني ديال الخضرا فهاذ الموسم، أمام الفتح الرياضي فهاذي هي أول هزيمة للفريق اللي توقف الرصيد ديالو عند 12 نقطة وضيع فرصة الصعود للصدارة وظل فالمركز الرابع.