السوالم باغيين يدخلو الفلوس من ماتش الرجاء.. طلعو ثمن التيكي وجابوهم حتى لعند الرجاويين

قررت إدارة شباب السوالم تستغل ماتش فريقها ضد الرجاء الرياضي السبت الجاي فالجولة 8 من البطولة الإحترافية، باش تدخل مبلغ مالي مهم ما ماقدر تدخلو غير فاليماتش ضد الفرق لكبار فحال الرجاء والوداد.
واستغل المكتب المسير ديال شباب السوالم الفرصة حيث غادي يلعب ضد الرجاء، وطلع ثمن ثذاكر المباراة، وخصص مبلغ 50 درهم كأقل ثمن لتيكي ماتش فرقتو ضد الرجاء الرياضي وهو الماتش اللي غادي يتلعب فتيران البشير فالمحمدية.
السوالم حدد 50 درهم بالنسبة لتذاكر المدرجات العريانة و 150 درهم ثمن المدرجات المغطاة، أمام المنصة الشرفية فالثمن ديالها هو 350 درهم، وغادي يقربو السوالم التيكي ديال الماتش حتى عند جمهور الرجاء باش يشريوها حيث غادي يحطوهم يتباعو فتيران الوازيس فكازا مقر الخضرا، وهاذشي إبتداء من غدا الخميس وحتى لنهار السبت الموعد اللي غادي يتلعب فيه الماتش فتيران البشير فالمحمدية.