وهادي فشكل.. برلماني واحد اخر طلع محامي الداخلية وبرء لفتيت من هجوم المهاجري على أخنوش: حتى هو متابع فجرائم الأموال وتحكم عامين د الحبس

البرلماني عبد النبي عيدودي المعروف ب"كشة مشة" دار راسو محامي وزير الداخلية عبد الوافي لفتيت، ودار بيان حقيقة كيدافع عليه على البرلماني هشام المهاجري لي هجم على رئيس الحكومة.
قال مول كشة مشة فبيان الحقيقة بلي :"وزير الداخلية بريء من خطيئة هشام المهاجري براءة الدئب من دم يوسف .".
واضاف :"وفعلته القبيحة هي من وحي خياله نسجها له مستشاره في الإعلام عبدالله الكوزي ..فوضعه في ورطة لا يحسد عليها .. إنها القاضية".
نجيو نشوفو شنو المشترك بين المهاجري وعيدودي، بجوجهم متابعين فملفات فساد مالي يعني "الوسخ"، مول كشة مشة تحكم استئنافيا بعامين سجنا موقوفة التنفيذ هادي شي اشهر قليلة.
المهاجري بغا يعتاذر وعيدودي بغا يلصقها لصحافي فجريدة الصباح.