كروب المغرب.. بلجيكا ندمت كندا وربحتها فالشوط الأول

سالا الشوط الأول من ماتش بلجيكا وكندا بتقدم البلجيكين بواحد لزيرو قبل لحظات من اليوم الأربعاء ضمن الجولة الأولى من المجموعة 6 فكأس العالم قطر 2022، وهي المجموعة اللي فيها المغرب.
وكان المنتخب الكندي هو اللي قريب يماركي فالشوط الأول وهو اللي هاز الريتم فالوقت اللي كانوا البلجيكيين كيدافعو باش ما يتمركا عليهم حتى بيت.
وواخا التحفظ ديال المنتخب البلجيكي والرجوع ديالو الوراء باش يدافاع على مرماه، كانت كندا قريبة تماركي وجابت بيلانتي لكن زكلو النجم ديالها ديفيز من بعدما تصدى للكرة الكول البلجيكي تيبو كورتوا، وكان جدل كبير على 2 كواري آخرين ديال الكنديين اللي حتجوا على الحكم الزامبي سيكازوي حيث ما علنش فيهم على بيلانتي، وعكس مجريات الماتش نجحت بلجيكا فخطف بيت التقدم ملي قرب الشوط يسالي من كرة مفاجئة ونجح ميشي باتشواي فتسجيل الهدف فالدقيقة 44.