المونديال.. الأرجنتين صيفطات السعودية للفيستيير بواحد لزيرو والتسلل عتقها

سالات السعودية الشوط الأول من الماتش ديالها ضد الارجنتين اليوم الثلاثاء، فأول جولة من كأس العالم قطر 2022 عن المجموعة 3، خسارة بنتيجة 1 لزيرو.
الارجنتين دخلت سخونة فالماتش وقدر الهجوم ديالها بقيادة الأسطورة ليونيل ميسي يخلقو عدد من الفرص مع البدية، وجابو بيلانتي بسبب هفوة دليل مدافع سعودي وملي رجع الحكم للفار سفر ضربة جزاء ماركاها ميسي فالدقيقة 10.
وقدرت الأرجنتين توصل للمرمى ديال السعودية فبزاف ديال المرات من بعدما ماركات البيت الأول وسجلت أكثر من 2 بيوتا ولكن الحكم حيدهم بسبب التسلل وظلت النتيجة 1 لزيرو حتى سالا الشوط الأول، فانتظار الشوط الثاني اللي ممكن يتماركاو فيه بيوتا آخرين فحالة بقا الريتم دليل الماتش كيفما هو، مع العالم أن السواعدا خرج لهم الكابيتان سلمان الفرج اللي توعت ودخل فبلاصتو نواف العابد.