بيدرو سانشيث غادي يجيب معاه وفد فيه 12 وزير للقمة الثنائية بين البلدين للي غتكون فالرباط و20 اتفاقية اللي غادي توقع فيها

albayancom0@gmail.com
قالت وكالة "إيفي" الإسبانية، أن بيدرو سانشيث غادي يجيب معاه وفد ديال 12 وزير للقمة الثنائية بين البلدين للي غادي تنعقد فالرباط. هاذ الوفد كيتكون من نائبات رئيس الحكومة، نادية كالفينو وتيريزا ريبيرا، وكل من وزراء الخارجية، خوسيه مانويل ألباريس، والداخلية، فرناندو كراندي مارلاسكا، والعدالة، بيلار لوب.
وأفادت مصادر دبلوماسية لوكالة "إيفي"، أن الوفد الإسباني غادي يضم أيضا، الوزراء المسؤولين عن قطاعات النقل والتعليم والتدريب المهني، والصناعة والتجارة والسياحة، الزراعة والصيد البحري والبيئة، إضافة إلى الثقافة والرياضة والابتكار والضمان الاجتماعي والهجرة، كما أنه من المتوقع تعرف القمة توقيع حوالي عشرين اتفاقية ثنائية.
وأضافت المصادر ذاتها، أن الوفد مغادي يضم حتا وزير من بوديموس، وغادي تبدا القمة بمنتدى أعمال فالرباط بعد ظهر اليوم الأول بحضور أخنوش وسانشيث ورؤساء جمعيات رجال الأعمال فالبلدين، وغادي يكون التعاون بين الشركات الإسبانية والمغربية فالمجال الطاقي محور هاذ الاجتماع.
https://www.swissinfo.ch/spa/marruecos-espa%C3%B1a_doce-ministros-espa%C3%B1oles-acudir%C3%A1n-a-la-reuni%C3%B3n-de-alto-nivel-de-rabat/48241208