جينك البلجيكي جدد مع الجوهرة المغربية بلال الخنوس بعقد طويل باش يدخل فلوس كثيرة

عاق نادي جينك البلجيكي بلي عندو جوهرة فالفريق والأندية الأوروبية صبحت طامعة فالحصول عليها، وكيتعلق الأمر بالنجم المغربي الصاعد بلال الخنوس اللي كلشي كيتنبأ له بمستقبل كبير.
وقامت اليوم الاثنين، إدارة جينك البلجيكي بتجديد عقدها مع الدولي المغربي بلال الخنوس مول 18 عام، وسناو معاه لمدة 4 سنوات ونص، وهكذا فالتعاقد ديال الفريق البلجيكي مع الدولي المغربي غيمتد حتى لصيف 2027.
جينك البلجيكي كيعرف مزيان القيمة ديال بلال الخنوس اللي جرات وراه بلجيكا حتى عيات باش يلعب مع منتخبها ولكن هو فضل يلعب للمغرب، وجينك بهاد الطريقة دار الاحتياط ديالو وكيتسنى يجيه عرض فالخنوس الصيف المقبل وباغي يستغل الفرصة من خلال هاد التجديد باش يدخل فلوس كثيرة، خصوصا، أن فرق كبيرة فحال مانشستر سيتي الننكليزي باغين ود اللاعب المغربي.