الوداد غادي يرجعو يتدربو من بعدما ارتاحو من رحلة الكونگو وگاريدو وجد لهم بروكرام خاص برمضان

غيرجع الوداد الرياضي اليوم الخميس للتداريب الخاصة به، من بعدما استفاد اللاعبين ديالو من عطلة بعد العودة من رحلة الكونغو برازافيل والغابون اللي كانت متعبة.
ويخوض الوداد الرياضي مساء اليوم الخميس حصة تدريبية بتيران بنجلون بكازا تحت اشراف المدرب كارلوس كاريدو، غتكون بعد الافطار أي بالليل وغتعرف عودة الأسماء اللي سافرت مع الفريق إلى الكونغو برازافيل وغتدرب مع اللاعبين اللي ما سفروش وبقاو كيتدربو بمركز الفريق سواء حيث راجعين من الإصابة أو بسبب اختيارات المدرب ومنهم رضا الجعدي وزهير المترجي لامكيل زي.
أما بخصوص الغيابات ديال الفريق الأحمر على تداريب اليوم، كيتعلق الأمر بكل من رضا التكناوتي ويحيى عطية الله اللي مع المنتخب الوطني المغربي، وطه موريد وعبد الله حيمود اللي مع المنتخب المغربي لأقل من 23 عام، وأرسن زولا مع منتخب الكونغو الديمقراطية، مؤيد اللافي مع المنتخب الليبي.
كارلوس كاريدو مدرب الوداد الرياضي والطاقم التقني ديالو بالوداد وجدوا بروكرام خاص للاعبي الفريق الأحمر خلال شهر رمضان باش يحافظوا على مستوى اللياقة البدنية عندهم، لتفادي ارهاق الصيام خصوصا وأن الفريق عندو مباريات مهما خلال الأسابيع المقبلة وقرر كاريدو يحول التداريب إلى فترة بعد الافطار.