الله يعطينا وجهك ...!!

فقرة متجددة يوميا على محمدية بريس
الله يعطينا وجهك ..!!
هاذي ماتلقاوهاش كنظن غير في المحمدية ، اصلاح كنكول اصلاح وماشي انشاء ، اصلاح نافورة قرب المجلس البلدي بالمحمدية في ساحة محمد الخامس ، المبلغ تاع الاصلاح 300 مليون سنتيم ، مبلغ اكثر من ضخم ، هذا ع اصلاح ، المندبا كبيرة والميت فار، نعم 300 مليون سنتيم ، لكلام هذا قالو نائب تاع المجلس في تصريح ل محمدية بريس بمناسبة عيد المسيرة الخضراء قبل شهر ونص، السيد النائب قال وبالحرف والافتخاروالانجازالعظيم : " اليوم كنشهدو تدشين الشطر الاول من النافورة اللي تم الاصلاح تاعها ، واللي غادي نشرعو في الشطر الثاني ابتداء من الشهر المقبل نشاع الله ، كاين اعتماد مالي اللي غ يتخصص منو واحد الطرف من هاذ الاصلاح اللي ماتبقى من هاذ النافورة على مقاطعات العالية وزنقة سوس حيث تجهيزهم بالات الحاسوب وتجهيزات المكاتب " كلام جميل ، دبا اكثر من شهر ونص داخلين في الشهرين ، اوا تامقاطعة مافيها شي بي سي ولا كرسي ولا حتى ستيلو ، سولنا وطقسنا اوا ياسي النائب وضح للساكنة و الموظفين تاع المقاطعات بالمحمدية علاش ماشافو لا بيسيات وا لا كراسا ولا حتى ستيلوات، وضح، اوضح ليهم شحال شاط من 300 مليون من اجل هاذ لبيسيات ، اوضح للساكنة تاع المحمدية بشحال بالضبط تصلحات النافورة اللي قدام الجماعة ، ناس باغا تعرف 300 مليون ماساهلاش، عدد من المواطنين تصابو بالدهشة بل بالرعشة والفقسة على المبلغ اللي عتابروه مبلغ مبالغ فيه وخيالي ، لدرجة الا حسبناها وصدقني انو غ يتشراو بيسيات لجميع المقاطعات بالمحمدية كنقولو كلهم ، اوا ياسي النائب لبيسي شحال ولا يدير؟ سول وحسب وضرب...اما اصلاح النافورة والمبلغ اللي تصلحات بيهم ، ليه كلام وليه حساب..
نتلاقاو غدا في موضوع جديد في فقرة "جوج كلمات"..

شاهد تصريح النائب بالصوت والصورة :