لشعرها مبغاش يطوال تدخل بسرعة عندي ليها الحل الفعال

البنات لشعرها مبغاش يطول تدخل بسرعة عندي لها الحل لكي لا طيل عليكم سوف اترككم مع الطريقة الفعالة لتطويل الشعر.
المكونات :
1درهم سانوج
3دراهم لوز الحار
قبطة سواك حار
30ريال حديدة الحمراء
السنبل تكرميه وتطحنيه
ضرس صغير ثومة بقشرته
10دريال حرمل
درهم حب رشاد
الطريقة :
المواد كاملة تسخن في مقلة وتطحن مزان تتنيل إلا الحديدة الحمراء كتدق فالمهراز والسواك كيتقسم طراف ويتطحن في مكينة العطرية كنخلطو كلشي مزيان ونقسموه حيت كيجي كتير ؛كنسخنو زيت العود مزيان وكنخويو فيها الخليط ونحكو التومة ونحركوه شوية حتى يطبخ ونخلوه يبرد ويدار في قرعة ونبداو ندهنو الشعر بالزيت وملي تبغي تمشي لحمام هزو من الخليط سخنية ودهني شعرك وبقاي 5ساعات أو أكتر وسيري لحمام =مثلا رابعة الزيت فيها 2معالق كبار الخلطة تقريبا وعاوتاني راك عارفة عينك ميزانك أنا كندير بلا عبار =ممكن تزيدو زيت الخروع .زيت اللوز . زيت لافوكا تخلطوهم مع الزيت العود )أنا مرة كنديرهم مرة لا ) ملحوضة مكن تشوفي شعرك كيطيح اليومين الأولين من إستعمال الدواء ولكن عادي هدوك غير الشعرات الضعاف بعد 2أسابيع تلاحضي الفرق .................. إيوا طولت عليكم ولكن راة باش يكون داكشي مضبوط إيوا جربوها وشي دعيوات زوينين بحالكم ماشي تشوفو وتمشيو هههههههه خليت ليكم الراحة