أيت ملول.. فرنسي يُهرب كلبا مغربيا إلى الخارج للعلاج!!

عن موقع كيفاش.كوم
هادي والله ما نكتة. كلب كان قاطع الشانطي في أيت ملول في اتجاه المطار، قرب غابة “أدمين”، لم ينتبه هذا الحيوان (زعما هو اللي ما ردش البال، فدهسته سيارة كان صاحبها يسير بسرعة جنونية. الكلب مسكين جاتو الضربة في الجزء الخلفي، لكن واحد الفرنسي عاين حادثة السير عن بعد، توجه لمساعدة الكلب، اللي كنقولو عليه حنا حاشاكم.
الفرنسي توقف بسيارته فحمل الكلب معه إلى المطار حيث كان سيستقل طائرة نحو بلده، لكن إدارة مطار الحسن الثاني في أكادير منعته من إخراج كلب دون أوراق. المفاجأة أن الفرنسي ألغى سفره، وعاد ليشرف على علاج الكلب وعطاه شي مسكنات، ومضادات حيوية، وصاوب ليه وراقو. هاد الشي قبل رمضان.
سير يا أيام، وجي يا أيام، وفي الأيام الأخيرة، تفاجؤوا الناس ديال المطار بالفرنسي راجع للمغرب، ومعاه الكلب صحة وسلام غادي على رجيلاتو، النصراني مشا دار ليه عمليات جراحية معقدة لتقويم العظام، متبوعة بالترويض.
البركاكة تبعو الفرنسي والكلب، جابو حتى إلى البلاصة فين كان بغا يقطع ذاك النهار المشؤوم، باسو وهو يودعو وكمل طريقو جيها أكادير... ويعلم الله آش من مصير كيتسناه.