تساؤلات مشروعة للسيد الوزير حول المذكرة

حز في نفسي كثيرا ما وصل اليه اساتذتنا اليوم ،اسمحو لي ان اتحذث بلغتي التي تشفي لي الغليل ،اول حاجة هي انه كل مغربي عيطرح السؤال علاش السيد الوزير خلا حتى الدخول المدرسي عاد بدا كيشوش ،ماشي كان حسن كون صدرات المدكرة ف الصيف ،ثاني حاجة فكل القهاوي لي كنكلس فيهم ما كاين عي الهدرة على السوايع في الخصوصي او لجان التفتيش ،بحال الى نسينا او تناسينا ان هداك المقصود راه هو المثقف الاكثر عددا داخل بلدنا ،او بحال الا حنا أمام حملة ضد بائعي المخدرات او هما لي بصح خاص تنزل شي مذكرة نيت عليهم ،واش السي الوزير ما كايشوفش معايا بلا راه جنينا على كل الاساتذة ا ودرناهم فسلة وحدة ،فالوقت لي كان ممكن انه اتخد هاد الاجراء بدون شوشرة ،او المذكرة السابقة كانت واضحة ف هاذ الباب الاساتذة عندهم الحق ف 6 سوايع +2 الى كان صحيح هاد المعطى ،علاش سي الوزير ما حكرش على المفتشين لي كيفتشو الخصوصي او راه خصوصي نيت، علاش ما عمرنا شي مذكرة ف التأمين المدرسي اولا شي مذكرة تحدد لينا عدد التلامذ ف 30 تلميذ ................
علاش ما حاسبهمش من لي كانو كيقريو بلا تراخيص ،علاش ما حملش المسؤولية للمدراء ،صحيح انا شخصيا مع المدرسة العمومية ترجع لها قيمتها او نرجعو نشوفو داك التشويق لي فقدناه من كيتعلق الطابلو ،حينت الباك ديالنا ما بقات ليها قيمة، او منهنا كنقول لسي الوزير راه المشكل ف المراقبة المستمرة ،كون حيدتيها كون سليتي الشوكة بلا دم كيف ما كيتقال اولا سليتي الشعرة من العجينة .باقي كان عقل ان التعليم الخصوصي كانو كيمشيو ليه غير الكسالا حيتاش ما كانت لا مراقبة لاهم يحزنون ، المهم هادشي كامل فكرني بمدونة السير لي طرقانا كلها محفرة ، او مافيها لا اشارات لا والو ،مانعرف هاد المقارنة واش صحيحة او لا لا عندك اينوضو مالين الحديد حتى هوما .