تفاصيل اجتماع فريق البام فالبرلمان حضر ليه الجماني المطرود.. برلماني نوضها فاش قال وهبي فاقد الأهلية وناض خرج مكملش الاجتماع وكيفاش ال بنطالب دايرين حرب ضد وهبي

كشفت مصادر ل"كود" أن الاجتماع الذي عرفه فريق الأصالة والمعاصرة بمجلس النواب، يوم أمس الاثنين، عرف نقاشا حادا في بضع دقائق، حيث تم احتواء الأصوات المحتجة ضد قرار طرد البرلماني "الملايري" سالم الجماني من هياكل الحزب.
وقال مصدر حضر للقاء بأن عدد البرلمانيين اللي حضرو هو 57، ومدة الاجتماع كانت ساعتين ونص (بدا مع 11 وسالا مع 1.30) وحضر كذلك، وزير الثقافة المهدي بنسعيد، واحد من المقربين من فاطمة الزهراء المنصوري.
الاجتماع عرف شويا صداع فمدة لا تتجاوز 10 دقايق فاش ناض سيدي صالح الإدريسي برلماني محسوب على الجماني وقال بلي الأمين العام للحزب وهبي فاقد للأهلية، هادشي غضب رئيس الفريق احمد التويزي لي ناض ورد عليه، البرلماني تحرج وخرج بحالو.
فالمقابل أشاد قيادي فالبام بالنقاش الهادئ لي دار الجماني وعدد من وجوه الأقاليم الجنوبية لي تدخلو بأدب وكان نقاش عادي.
البرلماني لي دار صداع هو لي طالب بالكشف عن الوضعية المالية للفريق النيابي. طبعا هادي غير مزايدة من واحد كولشي عارف كيفاش نجح فالانتخابات.
فهاد القضية ديال الجماني، بانت حروب داخلية كثر، وبان بلي تيار مراكش عندو مشاكل مع ال بنطالب لي شادين المناصب بالوراثة.
بن الطالب معروف بزبايلو وكفاش ضبر لعائلتو كاملين فمناصب قيادية بدون استثناء من بنتو فاطمة الزهراء وولدو عثمان الطالب اللي ولاو أعضاء فالبرلمان وحتى مرتو عضوة فالبرلمان 15 سنة هادي وتم ترشيحها بأحد الجماعات بمراكش