مدرب إسبانيا: لامين يامال بغا يلعب مع إسبانيا.. هو لاعب واعر واستثنائي وعندو فرجليه وما كيهمناش العمر ديالو

كيعرف لويس دي لافونتي مدرب منتخب اسبانيا القيمة الكبيرة ديال اللاعب المغربي الأصل لامين لامال جوهرة البارصا، وهذا الشي اللي خلاه ما يترددش ويعيط له باش يلعب مع لاروخا، وأكد أن حتى اللاعب فضل يلعب مع المنتخب الإسباني.
وتحدث مدرب إسبانيا لويس دي لافونتي خلال الاعلان ديالو على لائحة منتخب اسبانيا على لامين يامال مول16 عام وقال: "لامين يامال كان من الأول عارف انه باغي يلعب لإسبانيا، وهذا الشي اللي أكدو ملي حمل قميص الفئات السنية الصغيرة ديال المنتخب الإسباني".
وكمل مدرب إسبانيا وهو كيدوي على الموهبة المغربية الأصل وقال: "لامين يامال لاعب استثنائي وعندو بزاف ديال الحوايج مختلفة.. انا فهذا الشي ما كنشوفش السن ولكن كتهمني الإمكانيات ديال اللاعب وعلاش يقدر ويامال راه واجد باش يلعب معنا".