الليك 1: حكيمي كان حاسم فرباح PSG على مارسليا والاحصائيات ديالو واعرة

أكدت رابطة البطولة الفرنسية لكرة القدم، أن الدولي المغربي أشرف حكيمي كان عندو دور كبير فالرباح اللي حقق باريس سان جيرمان على أولمبيك مارسيليا فكلاسيكو الكرة الفرنسية البارح الاحد، وكان حاضر فكل مكان فالماتش بين الفريقين.
رابطة الدوري الفرنسي، خرجت اليوم الاحد تقرير على أشرف حكيمي، وأكدت ان النجم المغربي كان حاسم فالرباح ديال باريس سان جرمان بنتيجة 4 لزيرو على أولمبيك مارسيليا، وكان ليدر فالمباراة، اللي افتتح فيها التسجيل للباريسيين بهدف واعر من كوفرة وصلت السرعة ديالها إلى 265 كيلومترات فالساعة، وهذا راه رقم قياسي عالمي.
وسلطت رابطة البطولة الفرنسية الضوء على أرقام واحصائيات أشرف حكيمي فالكلاسيكو الفرنسي، وأكدت ان النجم المغربي عندو نزعة هجومية بدا كيرجع لها، من خلال الهدف اللي ضرب على اولمبيك مارسيليا البارح فالبطولة الفرنسية والهدف اللي ضرب السيمانة اللي فاتت على بروسيا دورتموند الألماني فدوي ابطال اوروبا.
وحسب إحصائيات رابطة الدوري الفرنسي لكرة القدم، فأشرف حكيمي فماتش باريس سان جيرمان وأولمبيك مرسيليا، مس الكرة 114 مرة، وسدد الكرة 4 المرات على المرمى ماركا منهم هدف واحد اللي جا من الكوفرة، ووصلت نسبة نجاح التمريرات ديالو فالماتش %90، وقطع 7 ديال الكواري للاعبين أولمبيك مارسيليا.
ووضحت رابطة الدوري الفرنسي لكرة القدم، أن الكوفرة اللي ضرب أشرف حكيمي البارح الاحد على أولمبيك مارسيليا فالكلاسيكو هي أول كوفرة غيماركيها لاعب ديال باريس سان جيرمان من عام 2019، فاش ضرب الأرجنتيني أنخيل ديماريا كوفرة لمصلحة PSG على مارسيليا، وان هذا الهدف هو أول هدف كيماركيه حكيمي من كوفرة فالبطولات الخمس الكبار.