واخا هربو إجتماع مجلس الجهة من قاعة الندوات فالجامعة لعمالة سطات على قبلو.. فضيحة كونكور كلية العلوم والتقنيات تبعات الميراوي وغيباتو على دورة أكتوبر

واخا عبد اللطيف الميراوي وزير التعليم العالي والبحث العلمي والابتكار كيتعتابر عضو مهم فمجلس جهة الدار البيضاء سطات ما بانش اليوم في الإجتماع ديال الدورة العادية لأكتوبر.
مصادر خاصة من داخل مجلس الجهة قالت ل"گود" أن هاد الاجتماع كان مقرر يكون فقاعة الندوات ديال جامعة الحسن الأول بسطات لي هي أحسن قاعة فالاقليم، لقاعة شبعانة خملة فعمالة اقليم سطات، بسبب عبد اللطيف الميراوي حينت صفتو الوزارية غادا تخلق ليه مشكل داخل الجامعة بسباب الفضايح اللي وحدة تابعة وحدة.
حضور الميراوي لسطات كان فرصة للعشرات من الاساتذة باش يجيو يشكيو عليه..