مكالمة بين عبد اللطيف الوزير وعبد اللطيف الرئيس.. مفتشية التعليم العالي هبطات لسطات باش تحقق فملف ديال الفلوس

علمت "گود" من مصدرها الخاص فوزارة التعليم العالي والبحث العلمي والابتكار ان الوزير عبد اللطيف الميراوي صيفط اليوم الصباح الثلاثاء المفتشين ديالو لرئاسة جامعة الحسن الأول بسطات باش يبقششو فموضوع جديد عندو علاقة بالفلوس ديال الدولة.
المصدر ديال "كود "،قال ان هذه اللجنة ديال التفتيش لي جات اليوم من وراها رئيس الجامعة لي كان فتح تحقيق في هذا الفيلم نهاية الاسبوع المنصرم اوقف على مجموعة من الاختلالات ،واطلب من المفتشية تجي باش تحدد المسؤوليات الادارية في اطار الاصلاح الجديد لي نهجاه الجامعة .
الموضوع وفق نفس المصدر كيتعلق بشي طالب كان كيقرا فكلية العلوم القانونية والسياسية فسطات، سالا القراية وبقى طايح على الريالات كيستافد منهم وهاد الشي طبعا كان بفعل فاعل.
وهاد الفاعل هو بالضبط لي جات كتقلب عليه مفتشية الميراوي، السيد ضرب الموديلات ديال لافاك ڤاليداهم ودارو ليه موديل ممڤاليديش باش يبقى ياخذ لابورس.
دارت مكالمة بين عبد اللطيف الميراوي وزير التعليم العالي والبحث العلمي والابتكار وعبد اللطيف مكرم رئيس جامعة الحسن الأول بسطات على الموضوع لي عليه صبحات اليوم التفتيشية واقفة فكلية الحقوق تقلب على الاسباب ديال هاد الفيلم