إيفي: كثر من 60 حراگ من المغرب والجزائر وصلو عومان لسبتة ف ظرف 24 ساعة

قالت وكالة إيفي الإسبانية، إن كثر من 60 حراگ من بينهم حوالي 10 قاصرين، حرگو عومان لسبتة ف ظرف 24 ساعة تقريبا، مما أجبر السلطات المحلية على نشر وحدات خاصة من لاگوارديا سيپيل والقوات المسلحة ودوريات الإنقاذ البحري ديال خفر السواحل.
وحسب التفاصيل اللي نشراتها "ايفي"، بدات هاذ الموجة ديال الحريگ عبر الطريق البحري انطلاقا من بليونش، مع الساعة الثالثة بعد زوال الأحد الفايت وحتى الساعة السادسة مساء البارح الاثنين.
هاذ الحراگة غالبيتهم مغاربة، وكاينين معاهم جزائريين، وتمت معظم محاولات الحريگ عبر حاجز الأمواج الشمالي ديال بنزو، انطلاقا من منطقة بليونش، واستغلو الظروف الجوية السيئة وسط البحر، بحال الرياح الغربية القوية والأمواج الهايجة اللي كتخلي التيار كيعاونهم يوصلو بسهولة الى شواطئ سبتة.