بانت فتصويرة مقادة بفوطوشوب.. الأميرة كيت ميدلتون دارت حالة فالبريطانيين

بعد الجدل الكبير لي دارتو الصورة ديالها، ولي كيوقولو أنها هي الأولى ديالها من بعد شهرين ديال الغياب، قررات بزاف ديال الوكالات أنها تمحي الصورة الأخيرة ديال الأميرة البريطانية كيت ميدلتون.
وكتقول هاد وكالات الأنباء أنه كاين شكوك حقيقية في أن هاد الصورة مقادة بالفوتوشوف باش تبان الصورة حقيقية وتبان الأميرة أنها بصحة مزيانة.
وفالوقت لي القصر ديال العائلة البريطانية مابغاش يرد على طلبات التوضيح بخصوص الصورة، خرجات الأميرة براسها وأكدات أنها ماشي حقيقية.
وكتبات الأميرة في الكونط ديالها على "إكس" وهي كتقول: "بحال كاع المصورين الهواة، حتى أنا كنجرب مرة مرة الايديتينگ ، وحاولت نعدل الصورة ديالي مع ولادي، بغيت نعتاذر على الجدل لي دارتو هاد التصويرة وكنشكركوم على الاهتمام ديالكم".