بلعوي الناطق الرسمي باسم الرجاء ل"كود": ما صرح به حمار كذب وبهتان وقراو وحكمو

نفى محمد بلعودي، الناطق الرسمي باسم الرجاء البيضاوي، ما صرح به حمار رئيس نادي سطيف الجزائري الذي اتهمه فيه هو وصحافي "ميدي 1 تي في" نوفل لعوالمة، بالإضافة إلى محمد بودريقة رئيس الرجاء، بالتسبب في الأحداث التي شهدتها المباراة بين الناديين قبل أيام.

بلعودي قال، ل"كود"، "كون القضية تسببت فيها انا والعوالمة كن ما غاديش يوقع اللي وقع، ياك كاع المغاربة شافو اش كتبو الصحافيين لمغاربة اللي حضرو للماتش".

وتحدث عما قاله حمار عّن اقتحام الصحافيين المغاربة للملعب، وأوضح الناطق الرسمي باسم النادي، ل"كود"، أن "الصحافيين الجزائريين نهار جاو عندنا دخلو للملعب قبل ما يبدا الماتش وباش سالا وبلايصهم كانو مخصصين ليهم وخدمو فظروف مهنية جيدة".

وبخصوص اتهامات رئيس وفاق سطيف لبودريقة، قال بلعودي، ل"كود"، "هو بنفسو كال راه بودريقة نزل بين الشوطين، واسمو (حمار) ما كانش فلائحة بون توش وحتى هو نزل. بودريقة دخل باش شاف جمهور النادي الجزائري كيضربو لاعبي الاحتياط بالقراعي، وما دار والو غير طلبهم يوقفو، والحكم الرابع اللي جبدو راه شاف كلشي وتكلم مع بودريقة".

بلعودي أوضح، ل"كود"، أنه، وخلافا لمزاعم حمار، فإن الرجاء ما قبلاتش تتكلف بالوفد الجزائري، "هو براسو كالها، راه قوانين الكاف لهاد العام واضحة، كل نادي كيتكلف بمصاريف الاقامة ديالو، واش بغانا نرتكبو مخالفة".

كما كشف، ل "كود"، أن الرجاء "تهلات فسطيف" فكازا" "تريناو فملعبنا وباش مشينا لقينا الخير فنادي العلمة".

كما نفى الناطق الرسمي باسم الرجاء، ل "كود"، ما ذهب إليه حمار بخصوص ادخال الشهب الصناعية في حافلة الرجاء "أولا النقل كيفما معمول به فالكاف على حساب النادي المستضيف، اي ان الكار هو اللي جابوه، وثانيا الكار ما دخلش للملعب كاع، كيفاش ندخلو الشهب، هادا راه عبث".

كما استغرب من حديثه عن محاولة جمهور الرجاء العودة في طائرة النادي "واش هاد الشي معقول، راه جمهور الرجاء جا فرحلة خاصة وكلهم عندهم الذهاب والاياب والفندق"، يختم بلعودي تصريحه ل"كود".