شكون خرج عليه وشكون هاد المكلخ اللي كينصحو ويستاشر معاه. الصحافي لمرابط: ها شركات الماجيدي والامير اسماعيل اللي مستوطنين فبنما وخرجو ف"وثائق بنما"

بعد ان نشر الائتلاف الدولي لصحافيي التحقيق قائمة الشركات اللي هربات لبنما في اطار "بنما بيبرز" =وثائق بنما= اكتشفنا ان الوثائق اللي خرجات من مكتب المحاماة "موساك فونسيكا" فيها مغاربة. فمن اصل 200 الف شركة فيها 41 شركة مغربية مسجلة في جزر الشيشل والعذراء وعناوينها في مدن مغربية وأساسا الرباط والدار البيضاء وطنجة ومراكش.
يعود التأسيس ما بين سنتي 1998 و2015
المشكل كاين رجال اعمال بحال ميلود الشعبي الله يرحمو وبناني اسميرس وحسن بوهمو اللي كان الشاف ديال الهولدينك الملكي ولكن المشكلة هو ظهور اسم منير الماجيدي والامير اسماعيل. دابا ما خرج حتى شي توضيح بخصوص ما نشره الصحافي هادي ايام. دابا السؤال شكون هاد السيد اللي نصح الماجيدي اللي هو مدير الكتابة الخاصة للملك وما راعاش المنصب ديالو. طبعا ما غاديش يكون محامي لانه ما يمكنش ينصحو بهاد الشي. غادي يكون غير هادوك المساعدين اللي غادين يخرجو عليه وهو ماشي مهم غادين يخرجو على صورة الملك وصورة المغرب.
وحسب الصحافي علي لمرابط على صفحته على الفايسبوك فان محمد منير الماجيدي عندو هاد الشركات
La Marocretreat Limited
La Ostan
Bia consulting Limited
ماشي غير هاد الشي٫ حسب الصحافي نفسه فان الامير مولاي اسماعيل ابن عم الملك واخ مولاي هشام ظهر اسمه في هذه الشركات
GLOUCESTER CAPITAL FINANCE CORP.
LEESBURG CORPORATION.
GRANITE HOLDINGS INTERNATIONAL S.A.
GRAYSDEN TRADING LIMITED.
KERN DEVELOPMENT S.A.
HALSBURY CONSULTING CORP.