الغيرة وما دير.. هاكيفاش سالات قصارة مابين جوج كوافورات وشيفور ومهاجر بالفقيه بن صالح

البارح الأربعاء، بمنزل بشارع الزرقطوني بالفقيه بن صالح، تحولت قصارة بين حلاقتين وشيفور ومهاجر من إيطاليا إلى جريمة قتل، وفق مصدر "كود"
الشيفور والمهاجر، وجدو الجلسة في الشقة، وجابو الكوافورات من بني ملال، نشطو مزيان وشربو ما تيسر، وكلشي كان غادي مزيان، تال واحد اللحظة لي ناض الشيفور، بانت ليه في صحيبة صحبتو، وبغا يغتصبها صحة، ديك الساعة ناضت صحيبتو وخدات جنوية من الكوزينا وضرباتو للفخذ ليسر، وهربو من الدار في حدود الساعة الواحدة صباحا.
الشيفور بقا كينزف تا مات من بعد 6 ساعات من الطعنة، ومقدرش صاحبو المهاجر يعقتو، لكن الدريات اتصلو بالبوليس وحكاو ليهم كلشي، ليتم الانتقال إلى المنزل والعثور على جثة الشيفور وصديقه، قبل أن يتم اعتقال الفتاتين فيما بعد، على أن يعرضوا على أنظار العدالة غدا الجمعة.